Nə́ ghə gaə́ monəŋ yə́ ǒ cǐ wáp ǎ cəŋtə́ yú' ŋkʉɔ ó ó kó pə cə̀ŋ gaə́ mtɔ̌ ó cəŋtə́ kó, kə́ nə́ pínyə ciŋnyə o cʉ́m msim pú a mcú'tə̀ Afrikà.

Pá' gùŋ tyɛ́'ɔ kǎ píŋ ghə̀ kɛpé tə́ o á pyə̌ pyíŋ nə́ ghə̀ gaə̌ kə́mynə ó cəŋtə́ ŋwák nə monəŋ tsɔ́ bǎ gaə̌ kə́mnyə́ ó pə́ pá' á monəŋ bɔ̌ nəŋ bə́ dǒ é pá' pú pə́m yá bǐ monəŋ Afrikà á.

Pyə̌ dəŋzə lé nə yú' pú a mku' mkɔ nə́ nə́ ghə̀ po'ó bǔ ŋkwítə̀ ó gaə̌ monəŋ pú a mghɔm tsáp ceŋtə́ yú' ó ǒ nəŋ có'tə́ monəŋ yɔ́m. Cyà-ŋkʉɔ yɔ́k bə́ nə́ sənyə mghɔm yaə́ á gí bə kɛpé á nə tá' ywə́ yə́ á fíŋ nə́ cu'tə̀ nəŋ co'tə́ monəŋ ntʉ́m Afrikà.

Pyə́ pə́m fa' tsɔ́k nə̂ mtɔ̌ myə̌ wáp waə̂ cəŋ nə́ kɔ́tə́, kwyə́ kə́ nə́ pínyə ciŋnyə o cʉ́m msim Afrikà. Pyə́ zhyə́ gaə̂ ntíntǐ mghɔm pú á mkɔ bə́ yə́ ŋkáp Afrikà. Yá nǐ ghə̀ pyə́ waə̌ ghə́ və tútə̀-mghɔm yə́ cyá nə́ fɛ̌tə mghɔm ǎ. Fa' tsɔ́k bə́ nə́ ghə̀ gaə̂ mkémnyə́, mpípá, mpótsə mǎkətíŋ pú á mvəvə tɛ́kník mtɔ̌ tsɔ́ pé nə̌ ntítǐ mghɔ yə̌ mgɛ́ jó m Afrikà fíŋ nə́ yu' ǎ.

• Və tútə̀-mkɔ twɔ́dyə̌ khwɔ̀ tsɔ́k cyá sóbó və tútə̀-ghɔm. Pyə́ zhyə gaê twɔ́dyə̌ khwɔ̀ bə sə̂ khwɔ̀ dyə̌-mtɔ̌ ó á nəŋ pə cəŋ gaə̂ á tréja twɔ́dyə̌ khwɔ̀ sɔ' jó yá nə mghɔm tsáp. Mgɛ̀ fa' tsɔ́k cəŋtə làtə̀ ŋkʉɔ, cú-tə mvəvə nəŋ lá'tə̀ twɔ́dyə̌ khwɔ̀ tsɔ́k á pə́ dəŋdəŋ pú á mlwǎ mkɔ, mghɔm, pú á mtɛkník monəŋ yə́ pó cí á. Ǎ nəŋ bú cəŋ və tútə̀-ghɔm pípá, làtə̀, pótsə yɔ́yɔ́, kwítə-məsíŋ-cəŋ, gaə́ wáp wɛ́ fa' dəŋdəŋ pú á mlwǎ pú á mlwǎ mkɔ guŋ. Ǎ nə mì, bə twɔ́dyə̌ khwɔ̀ yə á ghɔm ghɔm cí-monəŋ é nəŋ pe dəŋdəŋ pú á mkɔ máp.